AS QENI TE PORTA NUK MË NJOHU

As qeni te porta nuk më njohu është një përzgjedhje poetike nga përmbledhjet e Arben Prendit, i cili, ndryshe nga shumica e shkrimtarëve sot që ulin standardet për t’iu përshtatur shijes së vulgut, që prej tridhjetë vjetësh vazhdon ta shkruajë poezinë me përkushtimin, qetësinë dhe heshtjen e murgut. Prendi ka një lidhje pothuajse religjioze me poezinë, e cila mund të lexohet si një litani laike me frymë metafizike. Vargjet e tij janë nyje poetike ku lidhen sakraliteti eternal dhe trivialiteti efemer. Modelet dhe mitet shfaqen e zhduken nëpërmjet një sfumature poetike që krijimtarinë e këtij poeti e bëjnë autentike.