RRËFIM PËR PLAKUN E MIRË DHE VAJZËN E BUKUR

Kjo novelë flet për shkëndijën, apo për flakën e fundit në gjoksin e një plaku, zemra e të cilit lufton me moshën e trupit. Një plak i mirë dhe një vajzë e bukur, paralajmërojnë një përrallë. Mirëpo kjo novelë është më shumë psikanalizë e një përralle të paralajmëruar. Në këtë vepër zhvillohet një luftë e ashpër mes etikës (plaku i mirë) dhe estetikës (vajza e bukur). I miri (dhe i vjetri) mendon ta kthejë në rrugë të drejtë të bukurën (dhe të renë), duke mos e kuptuar që është i dehur (nga dashuria dhe bukuria) dhe, si i tillë, qesharak për të qenë udhëzues.