RINIA

Novela Rinia, e cila është shkruar gjatë rënies së garës mes fuqive imperiale, merr pjesë në retorikën e kohës. Por, duke e ditur sa skeptik mund të bëhej Conrad-i për këso punësh, ky miratim i dukshëm i një vizioni të një anglezësie që rri në kufi të patriotizmit ekstrem është i mistershëm. Ne mund t’i japim kuptim deri diku këtyre deklarimeve, kur marrim parasysh faktin që ai e shkroi novelën për Blackwood Edinburgh Magazine, duke e ditur që lexuesit e saj ishin kryesisht konservatorë pro-imperial. Është e mundur që si anglez i ardhur, ndihej i obliguar (…) ta prezantonte veten ashtu, siç do të bënte një gjeneratë më vonë, me vetëdije të plotë, edhe amerikani i kthyer në anglez, T. S. Eliot, që paraqitej si më anglez se anglezët.