FATOS KONGOLI

Në kuadër të serisë mbi autorët bashkëkohorë, të quajtur contemporana, studiuesi Arben Prendi sjell monografinë mbi prozën e Kongolit, për të cilin thotë: Romanet e Kongolit mund të thuhet se janë romane të personazhit antihero, antipod i heroit të romanit realist apo të romanit të realizmit socialist. Tipi i këtillë i personazhit është i ri në romanin tonë bashkëkohor. Ai është shpesh njeriu anonim, i humbur, i dhunuar, i survejuar, ose edhe i vetëpersekutuar, që jeton në skajet e shoqërisë, në regjimin komunist, për shkak të sistemit që e përjashton dhe e persekuton. Ai e jeton periudhën e tranzicionit si njeri me “probleme” psikiko-emocionale që burojnë nga përvoja traumatike e përplasjeve me realitetin”.